Because of You (Published 2016 as a book)

NGAYON ang araw ng kanyang kasal kaya naman hindi

maiwasang kabahan ni Isha. Excited siya. Sino ba namang babae

ang ayaw maikasal sa lalaking pinangarap nilang makasama

habang buhay?

Habang lumalapit ang kanyang bridal car sa simbahan

kung saan gaganapin ang pag-iisang dibdib nila ng kasintahang si

Aljon ay mas tumitindi ang kanyang kaba. Magkahalong

excitement at takot ang nararamdaman niya ng mga oras na

iyon. Paano kung pumalpak siya? Paano kung madapa siya

habang naglalakad sa gitna ng simbahan? Ipinilig niya ang ulo

para iwaksi ang mga negatibong naiisip niya. Kailangan niyang

maging positibo dahil araw niya ngayon. Hindi niya gustong

masira iyon.

Nakarating na siya sa simbahan at nakita niyang nasa

labas ng pinto ang kanyang magulang at ang magulang ni Aljon.

Bigla siyang kinabahan pero hindi siya nagpahalata. Nang

makababa ng tuluyan mula sa loob ng sasakyan, agad siyang

nagbigay galang sa mga magulang at magulang ni Aljon.

"Good morning po. Bakit po kayo narito pa sa labas?

Magsisimula na po ang kasal any minute, 'di ba?" nakangiting

tanong niya sa mga ito. Napansin niyang hindi mapakali ang mga

magulang ni Aljon. Hindi na rin maganda ang kabang

nararamdaman niya. Huwag naman sanang mangyari ang iniisip

niya. Hindi siya iiwanan ni Aljon sa ere. Alam niya iyon dahil

mahal na mahal siya ng binata.

"Anak..." mahinahong simula ng kanyang ama.

Napatingin siya rito at hinintay itong magsalita. "Hindi na

matutuloy ang kasal." Matapos sabihin iyon ay may iniabot itong

isang sulat. Alam niyang galing iyon kay Aljon dahil

kilalang-kilala na niya ang sulat kamay ng binata. Nanginginig

ang mga kamay na tinanggap niya iyon at binasa.

"Sorry, Isha. Hindi ko alam kung paano ka haharapin

matapos akong umurong sa kasal natin. Pero sana maintindihan

mo na hindi pa pala ako handang lumagay sa tahimik. Marami pa

pala akong gustong gawin sa buhay ko na ako lang mag-isa.

Minahal naman kita pero hindi pala sapatiyon para magpatali ako

sa'yo. Patawarin mo sana ako. Hanggang sa muli. - Aljon"

Iyon ang nakalagay sa sulat. Hindi alam ni Isha kung anong

iisipin at anong gagawin ng mga sandaling iyon. Gusto niyang

magwala sa galit pero hindi niya magawa. Masyado niyang

mahal ang binata para magalit siya. Matapos basahin ang sulat

ay pumasok siya sa loob ng simbahan at lakas loob sinabi sa mga

bisita na hindi na matutuloy ang kasal.

Isang linggo na ang nakalipas matapos ang nangyari sa

simbahan. Isang linggo na ring hindi lumalabas ng kanyang

kwarto si Isha at maging ang kanyang trabaho ay apektado na

rin. Wala siyang ganang magtrabaho at ang gusto lang niya ay

magkulong sa kwarto. Hindi naman siya umiiyak dahil wala na

siyang mailuluha. Nailuha na niya noong mga unang araw.

Ngayon ay wala lang talaga siyang gana pang makihalubilo sa

mga tao sa labas maging sa mga tao sa paligid niya.

Kasalukuyan siyang nakatalukbong ng kumot nang

biglang may kumatok sa kanyang kwarto.

"Ish?" mahinang boses ng kanyang ina ang narinig niya.

Wala sana siyang balak buksan ang pinto pero alam niyang hindi

rin naman niya mapipigilan ang kanyang ina. Tumayo na siya

para pagbuksan ito.

"Yes, 'Ma?" tanong niya matapos bumalik sa

pagkakahiga. Naupo naman ang kanyang ina sa gilid ng kanyang

kama at marahang hinaplos ang kanyang buhok. "Anak, huwag

mo namang pahirapan ang sarili mo. Gusto mo bang

magbakasyon muna? Gusto mo bang pumunta muna sa Kuya

Frank mo sa France?" tanong ng kanyang ina. Napabangon siya

nang wala sa oras pagkarinig sa France. Hindi niya kayang

magbakasyon sa isang lugar na may alaala ng dating nobyo. Doon

kasi ito nag-propose ng kasal sa kanya kaya naman hindi pa niya

kayang pumunta doon.

"Ma, alam mong hindi ko kayang pumunta ng France

dahil maaalala ko lang si Al." Al ang tawag niya sa dating nobyo.

Akala niya talaga ay magiging masaya na ang kanyang taon dahil

ikakasal na siya sa lalaking pinangarap niyang makasamang

bumuo ng kanyang mga pangarap. Pero at the last minute,

iniwan rin siya nito. "Anak, hindi mo matatakasan ang mga

nangyari kung ikaw mismo, hindi mo tinutulungan ang sarili mo.

Go and have a vacation for a while. You need to breathe fresh air.

Kung ayaw mo sa France, doon ka na lang sa pinsan mo sa

Quezon. Nature will help you, dear. Trust me." Masuyong

hinalikan pa nito ang kanyang noo bago lumabas ng kwarto niya.

Quezon Province? Not a bad idea. Naisipan niyang bigla

na buksan ang kanyang laptop at mag-research ng mga pwedeng

mapuntahan sa Quezon habang nagbabakasyon siya pero

curiosity strikes her nang makita niya ang advertisement tungkol

sa Lake Sebu sa Mindanao. She spends hours of researching

about the reviews of those people who already went to that place

and all of those reviews are great. Napagisipan niya tuloy na

doon na lang magpunta. Safe naman ang lugar base sa mga

reviews ng mga taong nagbackpacking na doon. She found her

self booking her flightfrom Manila to Davao. Mag side trip siya sa

Davao bago siya mag puntang Lake Sebu.

Base sa research niya, isang maliit na barangay lang ang

Lake Sebu pero maraming dumadayong turista doon dahil narin

sa kilalang Seven Falls and The Longest ZipLine in Asia.

She booked her flights one way lang dahil hindi pa niya

alam kung kailan niya balak umuwi ng Manila. Susulitin niya ang

bakasyon niyang ito para naman makapag relax siya. May

maiiwanan naman siya ng kanyang shop kaya alam niyang kahit

magbakasyon siya ay hindi mapapabayaan ang kanyang negosyo.

After paying for her flight, she decided to look for hostel

in Davao to stay for two days. Nakakita rin siya ng tour Agency

na nagbobook ng two days trip sa Davao.

Sa Davao na siya maghahanap ng pwede niya

matuluyan sa Lake Sebu. May mga mapagtatanungan naman

siguro siya doon at may mga advertisements naman siguro.

Alam niyang hindi siya papayagan ng kanyang mga

magulang magpunta ng malayo sa Luzon kaya naman planado na

ang lahat bago siya magpaalam. Matapos niyang makausap ang

agency na susundo sa kanya sa airport pagdating niya ng Davao

bukas, nag empake na siya ng kanyang dadalhing mga gamit.

She's never been excited all of her life. Matapos niyang makapag

ayos ng mga dadalhin, agad na siyang bumaba sa sala para

ipaalam sa kanyang pamilya ang kanyang desisyon.

"May sasabihin ako sa inyo." Sabi niya pagkaupo sa

tapat ng mga magulang na kasalukuyang nanonood ng palabas sa

telebisyon. Nagkatinginan naman ang kanyang mga magulang

bago magtanong ang kanyang ama.

"Ano iyon, hija?" sabi ng kanyang ama at tumingin sa

kanya. Napabuntong-hininga muna siya bago sumagot sa tanong

nito. "Napag-isipan kong magbakasyon. Bukas na ang alis ko at sa

Davao ang destinasyon ko. Alam ko namang hindi niyo ako

papayagan kaya naman nag-book na ako ng tickets. May flights

na ako at didiretso ako ng Lake Sebu," marahang paliwanag niya

at nagsalita muli. "I can take care of myself and isa pa, may

nakausap na akong agency na mag-a-asikaso ng pagpunta ko

doon," mahabang paliwanag niya. Wala ng nagawa ang kanyang

pamilya dahil ayos na ang lahat.

"Mag iingat ka na lang doon anak at babalitaan mo kami

palagi." Iyon lang at alam niyang ibinibigay na ng kanyang

magulang ang blessings ng mga ito sa kanyang mahabang

bakasyon.

Nakangiti siyang umakyat pabalik sa kanyang kwarto at

excited siyang natulog. Maaga ang flight niya papuntang Davao

dahil ayaw niya magsayang ng oras. This is once in a lifetime

opportunity for her.

Napamangha si Isha ng makita ang Davao International

Airport. Hindi ito ganoon kalaki ng katulad ng Maynila pero

malinis ito at makikitang disiplinado ang mga tao. Nang makuha

na niya ang kanyang maleta ay lumabas na siya ng airport at

hinintay sa labas ang kanyang sundo. Hindi siya

makapaniwalang nandito na siya sa Davao. Hindi siya natatakot

kahit mag isa siya dahil sa mga balitang naririnig niya, safe sa

Davao dahil magaling mamalakad ang mayor doon. She can't

wait to have her tour later.

Nakita na niya ang sundo niya dahil may pangalan niya

ang slogan na dala nito. Nakangiti siyang lumapit rito.

"Kayo po si Mang Dolfo?" masayang tanong niya rito.

Agad naman itong tumango at binitbit ang dala niyang maleta.

Nang makapasok siya sa sasakyan, saka lamang ito nagsalita.

"Welcome po dito sa Davao, Ma'am. Sana po ay mag

enjoy kayo." At pinatakbo na nito ang sasakyan.Ilang oras pa ang

tinakbo nila bago nila narating ang hotel kung saan siya tutuloy.

Ang Marco Polo Hotel Davao. Matapos magpasalamat sa matanda

ay nagdiretso na si Isha sa reception area para kunin ang susi ng

kanyang magiging silid sa loob ng dalawang araw.

Matapos niyang makapag- ayos ng kanyang gamit ay

nagpasya siyang mag-punta sa lobby ng hotel para hintayin ang

kanyang sundo para sa first day tour niya. Excited siyang makita

ang magagandang lugar na pwede niya mapuntahan dito sa

Davao. Ilang minuto pa siyang naghintay sa lobby ng dumating

na ang kangyang agent.

"Miss Isha Romano?" nakangiting tanong nito sa kanya.

Tumango naman siya at inabot ang kamay nitong nakikipagshake

hands.

"Ako nga po. Ano po ang una nating pupuntahan?"

Excited na tanong niya habang palabas sila ng hotel. Sinabi

naman nito kung ano-ano ang kasama sa first day tour nila at

hindi na siya makapag hintay.

Isha is really having the best time of her life so far. Ang

dami niyang napuntahan sa Davao sa unang araw pa lang niya.

She made a mental note to check back Samal Island again after

her trip from Lake Sebu. This is her second day and her tour is

just exciting as the first one. Hindi magkamayaw ang kanyang

mga mata sa paglilibot sa Crocodile park at sa Butterfly Garden.

She feels like she was in Paradise seeing those colorful Butterflies

flying inside the house of butterflies.

"Ang ganda naman dito! Pwede ba magpapicture sa loob

ng House of Butterflies?" tanong niya kay Katherine na kanyang

agent. Kinuha muna nito ang brochure ng lugar sa kanyang mga

kamay bago siya sinagot.

"Naku Miss, pwede naman pero dito lang sa labas eh.

Ipinagbabawal kasi ang pumasok sa loob ng house of Butterflies

kapag ganitong mating season nila." Mating Season pala ng mga

paru-paro kaya pala ang daming paru-paru na nandoon. Halos

konti lang kasi ang makikita sa may butterfly garden. Iba pa rin

kasi ang lugar ng butterfly garden sa lugar kung nasaan ang

House of Butterflies. Nagkasya na lang siya mag-papicture sa

labas ng HOB and nagtuloy na sila sa kanilang pangalawang

destinasyon. Ang Japanese Tunnel. Nakakatuwang pagmasdan

ang Japanese Tunnel dahil kapag dumaan ka doon, ang makikita

mo sa kabilang dulo ay isang malawak na garden na punong

puno ng mga iba't ibang uri ng bulaklak na galing pa ng Japan.

Kaya siya tinawag na Japanese Tunnel dahil Japanese Garden ang

makikita mo sa dulo. May mga ilan ding shops sa gilid na hindi

naman nakakasira ng lugar bagkus ay nakakadagdag pa nga ng

attractions dahil gawa mismo sa Japanese Interior ang design ng

mga iyon.

Matapos ang maghapong paglilibot, pagod na pagod si

Isha at agad siyang nakatulog pagkapasok na pagkapasok niya sa

hotel room niya. 12noon pa naman ang check out time niya kaya

may oras pa siya magayos ng gamit niya papuntang Lake Sebu.

Hindi niya namalayang nakatulog na pala siya ng mahimbing.

Maaga siyang nagising dahil na rin sa liwanag na

sumisilip sa kanyang bintana. Hindi pala niya naisara ang

bintana kahapon dahil nagmamadali na siyang umalis. Pagtingin

niya sa kanyang relo, alas otso na ng umaga. Nagpasya siyang

mag ayos muna ng sarili at magalmusal sa Restaurant ng hotel

bago siya tuluyang mag ayos ng mga gamit niya para sa pag alis

niya. Matapos niyang mag ayos ng sarili ay nakita niyang ang

dami ng miss calls ng kanyang pamilya ng kunin niya ang

kanyang cellphone. Malamang ay nag aalala na ang mga ito dahil

mula ng dumating siya dito sa Davao ay hindi pa niya

nagagawang tumawag sa mga ito. Nawili kasi siya sa

pamamasyal.

Tatawagan na sana niya ang magulang ng biglang

magring ang kanyang cellphone. "Hello?" masiglang sabi niya ng

sagutin ang tawag. "Anak! Ano bang nangyari na sa iyo? Kamusta

ka na dyan? Wala ka bang balak bumalik na dito?" Boses iyon ng

kanyang ina. Natatawa siya dahil alam niyang nagpa-panic na ito

sa kabilang linya. "Ma, relax. Okay na okay ako rito.In fact,I am

having the best day of my life so far. Babalik din naman ako pero

baka matagalan pa. Kumusta na pala ang Flavours?" Ang

flavours ang negosyo niyang naipundar niya matapos niyang

magtrabaho sa isang Hotel sa Singapore after she graduated

College. Iba't ibang flavours ng ice cream ang tinda sa shop niya.

Ang namamahala noon ngayon ay ang bestfriend niyang si Lanie.

"Okay lang ang takbo ng Flavours. Magaling naman

mamahala si Lanie kaya huwag mong alalahanin iyon.Ikaw ang

mag ingat dyan dahil ang layo-layo mo sa amin. Promise us, you

will be going back home in one piece." Nagaalalang sabi ng

kanyang ina. Para matapos na lang ang kanilang usapan ay

sinabi niyang palagi siyang mag iingat.